ٹونی بلیئر کو شامی کیمیائی ہتھیاروں کا 'علم' تھا

برطانیہ کے سابق وزیر اعظم ٹونی بلیئر کو شام کے کیمیائی ہتھیاروں کے بارے میں علم تھا۔ ہم نے ٹونی بلیئر کو خفیہ معلومات پر مبنی تجزیہ پیش کر دیا تھا۔

اس امر کا انکشاف برطانوی فوج کے محکمہ سراغرسانی کے سربراہ نے جان موریسن نے "آبزرور" اخبار میں شائع ہونے والے اپنے خط میں کیا ہے جو انہوں نے ٹونی بلیئر کے ایک اخباری مضمون کے جواب میں تحریر کیا ہے جس میں سابق وزیر اعظم نے دعوی کیا تھا کہ انہوں نے 2003ء میں امریکی قیادت میں عراق پر حملوں کا دفاع کرتے ہوئے واضح کیا تھا کہ انہیں شام میں کیمیائی ہتھیاروں کی موجودگی سے متعلق اندازہ نہیں تھا۔

جان موریسن نے اپنے خط میں کہا ہے کہ "مجھے حیرت ہے کہ شاید ٹونی بلیئر نے ہماری فراہم کردہ خفیہ رپورٹس کا بغور مطالعہ نہیں کیا، یا پھر وہ جان بوجھ کر تاریخ کو اپنے حق میں ثابت کرنے کی کوشش کر رہے ہیں، یا پھر انہیں وزراء اعظم کی طرح کمزور یادداشت کی بیماری لاحق ہو گئی ہے۔"

ٹونی بلیئر نے "عراق، شام اور مشرق وسطی" کے عنوان سے اپنے اخباری مضمون میں دو ٹوک الفاظ میں تردید کی تھی کہ انہیں بشار الاسد کے کیمیائی ہتھیاروں کے ذخیرے سے متعلق قطعی علم نہیں تھا۔

انہوں نے دعوی کیا کہ مغربی حکومتوں کو 2012ء تک نہیں معلوم تھا کہ بشار الاسد کیمیائی ہتھیار بنا رہا ہے کیونکہ اس سے پہلے انہوں نے یہ ہتھیار استعمال نہیں کئے تھے۔ اس وقت تک شامی بغاوت شروع ہوئے ایک برس مکمل ہو چکا تھا۔