'لاہور' کے بعد 'پاکستان' کی نیپال میں پیدائش

پہلی اشاعت: آخری اپ ڈیٹ:
مطالعہ موڈ چلائیں
100% Font Size

نیپال میں 25 اپریل کو آنیوالے تباہ کن زلزلے کے بعد پاکستانی فوج کی جانب سے لگائے جانے والے فیلڈ ہسپتال میں دوسرے بچے کی پیدائش پر اس کا نام پاکستان رکھ دیا گیا ہے۔

اس فیلڈ ہسپتال کو پاکستانی بری فوج نے تعمیر کیا ہے اور اس میں زلزلے سے متاثرہ افراد کو سہولیات فراہم کی جارہی ہیں۔ اس سے پہلے پیدا ہونے والے بچے کا نام پاکستان کے دوسرے بڑے شہر کی نسبت سے لاہور رکھا گیا تھا۔

اس سے پہلے 3 مئی کو نیپال کے فوجی سربراہ گوروو رانا کے دورے کے دوران انہوں نے پاکستان کی جانب سے مدد فراہم کرنے پر شکریہ ادا کیا اور کہا کہ ان کا ملک پاکستان کی جانب سے طبی سہولیات اور امدادی سامان کی فراہمی کو ہمیشہ یاد رکھے گا۔

مقبول خبریں اہم خبریں