شاہ سلمان کی نئی برطانوی وزیراعظم تھریسا مے کو مبارک باد

سعودی عرب کے فرمانروا شاہ سلمان بن عبدالعزیز نے برطانوی وزیراعظم تھریسا مے سے ٹیلی فون پر گفتگو کی ہے اور انھیں وزارت عظمیٰ کا منصب سنبھالنے پر مبارک باد دی ہے۔

شاہ سلمان نے ان سے گفتگو کے دوران سعودی عرب اور برطانیہ کے درمیان مضبوط تعلقات کی ضرورت پر زوردیا ہے۔برطانوی وزیراعظم نے مبارک باد کے ٹیلی فون پر سعودی شاہ کا شکریہ ادا کیا اور دونوں ملکوں کے درمیان تمام شعبوں میں دوطرفہ تعلقات کو فروغ دینے کی خواہش کا اظہار کیا۔