سعودی عرب میں دراندازی کی کوشش،14 یمنی باغی ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی جوائنٹ سیکیورٹی فورسز نے ایک کارروائی کے دوران یمن کے حوثی اور علی صالح کے وفادار باغیوں کی سرحدی دراندازی کی کوشش ناکام بنا دیتے ہوئے باغیوں کو بھاری جانی نقصان سے دوچار کیا ہے۔

العربیہ ڈاٹ نیٹ کے مطابق گذشتہ روز سعودی عرب کے جنوبی علاقے جازان کے القرن قصبے سے حوثی باغیوں کی بڑی تعداد نے سرحد عبور کرنے کی کوشش کی مگر سعودی سیکیورٹی فورسز نے فوری جوابی کارروائی کرتے ہوئے 14 باغیوں کو ہلاک کردیا جس کے نتیجے میں دراندازی کی سازش ناکام ہوگئی۔

العربیہ نیوز چینل کے نامہ نگار کے مطابق باغیوں نے سعودی عرب اور یمن کے درمیان سرحدی دراندازی کی متعدد بار کوشش کی۔ سعودی عرب کی سیکیورٹی فورسز نے ہلکے ہتھیاروں اور توپخانے سے باغیوں پر براہ راست اور بالواسطہ حملے کئے۔ آپریشن کوئی 11 گھنٹے جاری رہا۔ جس کے نتیجے میں کم سے کم چودہ باغی ہلاک اور متعدد زخمی ہوئے ہیں۔

کارروائی میں سعودی سیکیورٹی فورسز کو کسی قسم کانقصان نہیں پہنچا ہے۔ فورسز کی جوابی کارروائی میں یمن کے حوثی باغیوں اور علی صالح کے وفاداروں کی متعدد گاڑیاں بھی تباہ کردی گئی ہیں۔

مقبول خبریں اہم خبریں

مقبول خبریں