جاپان میں تنہائی کا توڑ "فرضی بیوی" تیار کر لی گئی

جاپان میں ایک ایسا منعکس ہولوگرام تیار کیا گیا ہے۔اس کو تانیثی شکل دے کر تنہائی کا شکار نوجوانوں کا جیون ساتھی بنایا جا سکتا ہے۔

اس گھریلو سمارٹ آلے کا نام ہیکاری ہے۔وہ گھر میں آنے والوں کو ہیلو کہتے ہوئے خوش آمدید کہتی ہے۔یہ اکیلے مردوں کے لیے ڈیزائن کی گئی ہے کیونکہ جاپانی نوجوانوں میں تنہائی بہت بڑا مسئلہ ہے مگر ہیکاری آپ کی بھی جیون ساتھی بن سکتی ہے۔

وہ گھر کی لائٹیں آن آف کرسکتی ہے۔ ائر کنڈیشنر آن آف کر سکتی ہے۔ ’شوہر‘ کی واپسی پر اسے خوش آمدید کہتی ہے۔ اس کی قیمت صرف 2700 ڈالر ہے اور آرڈر کے ایک سال کے اندر مل سکتی ہے۔

اس کے بارے میں ملے جلے خیالات سامنے آئے ہیں۔ کچھ لوگوں کا خیال ہے کہ یہ سماج مخالف ایجاد ہے جبکہ بعض دوسروں کے خیال میں ہیکاری تنہائی پر قابو پانے میں مددگار ثابت ہو گی۔