شام کے 6 صوبوں میں روس کے شامی اپوزیشن کے ساتھ مذاکرات

روس کی وزارت دفاع کی جانب سے جاری ایک بیان میں اعلان کیا گیا ہے کہ شام کے چھ صوبوں میں فائربندی کو قائم رکھنے کی غرض سے اپوزیشن کے گروپوں کے ساتھ مذاکرات جاری ہیں۔

شامی اپوزیشن کے ذرائع کے مطابق متعلقہ صوبے حلب ، اِدلب ، دمشق ، حماہ ، حمص اور قنیطرہ ہیں۔

روسی وزارت دفاع کا کہنا ہے کہ فائر بندی سے متعلق معاہدے سے جُڑے ہوئے گروپوں کی تعداد 228 ہے۔

فائر بندی سے متعلق معاہدوں کے بارے میں مختلف آراء سامنے آ رہی ہیں۔ بعض نے اسے انقلابی تحریک کو لپیٹ دینے کی کوشش قرار دیا ہے۔ بعض حلقوں کے نزدیک یہ تنازع کے خاتمے کے واسطے کسی حتمی حل تک پہنچنے سے قبل روسی اور امریکی معاہدے اور لڑائی روک دینے سے متعلق بین الاقوامی فیصلے کا نتیجہ ہے۔