.

ایران نے امریکی فوج کو داعش کے مساوی شمار کرنے کی دھمکی دے دی

پہلی اشاعت: آخری اپ ڈیٹ:

ایرانی پاسداران انقلاب کے کمانڈر محمد علی جعفری کا کہنا ہے کہ اگر واشنگٹن نے پاسداران انقلاب کو دہشت گرد تنظیموں کی فہرست میں شامل کیا تو پاسداران بھی امریکی فوج کو داعش تنظیم کے مساوی شمار کرے گی۔

ایرانی خبر رساں ایجنسی تسنیم نے اتوار کے روز جعفری کا بیان نقل کیا ہے جس میں کہا گیا ہے کہ "اگر امریکا یہ سمجھتا ہے کہ وہ علاقائی معاملات کے حوالے سے مذاکرات کے لیے ایران پر دباؤ ڈال سکتا ہے تو یہ اُس کی بھول ہے"۔

وہائٹ ہاؤس نے جمعے کے روز کہا تھا کہ امریکی صدر ڈونلڈ ٹرمپ ایران سے نمٹنے کے لیے اپنی نئی حکمت عملی کے سلسلے تہران کے میزائل تجربات ، دہشت گردی کے لیے اس کی سپورٹ اور سائبر حملوں پر امریکا کے نئے ردودِ عمل کا جلد اعلان کریں گے۔