.

امارات میں ٹیلی کمیونی کیشن صارفین کے لیے خوش خبری

پہلی اشاعت: آخری اپ ڈیٹ:

متحدہ عرب امارات میں ٹیلی کمیونی کیشن ریگولیٹری اتھارٹی نے اعلان کیا ہے کہ ٹیلی کمیونی کیشن کے صارفین کو سروس پرووائڈر کمپنی کے ساتھ معاہدہ قبل از وقت ختم کرنے پر اب ایک ماہ کے کرائے سے زیادہ فیس نہیں دینا پڑے گی ،،، اس کا اطلاق "اتصالات" اور "du" دونوں ٹیلی کمیونی کیشن کمپنیوں سے لی گئی سروس پر ہو گا۔

اتھارٹی نے اپنے ٹویٹر اکاؤنٹ پر بتایا کہ اس فیصلے پر عمل درامد یکم جنوری 2020 سے ہو گا۔ فیصلے کے مطابق معاہدے کے قبل از وقت ختم کرنے کی فیس میں پرانی اور نئی ایک ساتھ شامل ہوں گی۔

یہ نیا فیصلہ ان صارفین کے مفاد میں ہے جو کمپنی کی پیش کش سے فائدہ اٹھانے کے لیے ایک یا دو برس کے معاہدے کرتے ہیں۔ اس طرح یہ لوگ مقررہ جرمانہ ادا کرنے کے مقابل اپنا معاہدہ ختم کر سکیں گے اور بقیہ مدت پوری کرنے کے پابند نہیں ہوں گے۔

معاہدے کے قبل از وقت ختم کرنے کی صورت میں معاہدے میں شامل خدمات کی قیمت میں صرف ایک ماہ کی فیس ادا کرنا ہو گی۔

یاد رہے کہ متحدہ عرب امارات میں ٹیلی کمیونی کیشن کی خدمات صرف دو کمپنیاں پیش کر رہی ہیں۔ ان میں ایک کمپنی "اتصالات" ہے اور دوسری "du" ہے۔