جازان کی شہری آبادی پر حوثیوں کا حملہ ناکام، ڈرون تباہ

عرب اتحادی فورسز نے یمن میں حوثی باغیوں کی جانب سے جازان پر حملے کو ناکام بناتے ہوئے دھماکہ خیز مواد سے بھرے ڈرون کو تباہ کر دیا۔ ادھر خمیس مشیط پر بھی حوثیوں کا ایک اور ڈرون حملہ ناکام بنا دیا گیا۔

اتحادی فورسز کے بیان کے مطابق یمن میں حوثی باغیوں کی جانب سے سعودی عرب پر مسلسل حملے کیے جا رہے ہیں۔

اتحادی فورسز نے حوثی ملیشیا کی جانب سے سعودی عرب کے شہر جازان پر دھماکہ خیز مواد سے لدے ہوئے ڈرون کے ذریعے حملے کی کوشش ناکام بناتے ہوئے ڈرون کو ہدف تک پہنچنے سے قبل ہی تباہ کر دیا۔

اتحادی فورسز کا مزید کہنا تھا کہ حوثی باغیوں کی جانب سے مسلسل سعودی عرب کی شہری آبادی پر حملے جنگی جرائم ہیں, عالمی قوانین کے مطابق اتحادی فورسز معصوم شہریوں کی جان ومال کی حفاظت کو یقینی بنائے گی۔

ان حملوں کی عالمی اور عرب دارلحکومتوں کی جانب سے شدید مذمت کی جاتی ہے.