طالبان نے ٹی وی میزبانوں کو چہرے کا پردہ کرنے کی ہدایات جاری کر دیں

افغانستان کی طالبان حکومت نے ٹی وی میزبانوں پرنشریات کے دوران چہرہ ڈھانپنے کی پابندی عائد کردی۔

افغان میڈیا کے مطابق طالبان حکومت کی جانب سے تمام چینلز کو جاری ہدایت نامے میں ٹی وی پروگرامز کے دوران میزبانوں کو چہرہ ڈھانپنے کا حکم دیا گیا ہے۔

افغان وزارت اطلاعات وثقافت اور وزارت امر بالمعروف ونہی عن المنکر کے نمائندوں کا کہنا ہے کہ یہ حکومت کی جانب سے جاری کیا گیا حتمی فیصلہ ہے اوراس پرمزید بات چیت نہیں کی جائے گی۔

طالبان کی حکومت اس سے قبل خواتین کے پارکوں میں جانے اور ریسٹورنٹس میں کھانا کھانے پر بھی پابندی عائد کر چکی ہے۔ عوامی مقامات پر خواتین کو مکمل پردہ کر کے کے آنے کا حکم بھی دیا گیا ہے۔