رشی سونک کی رہائش گاہ کے گیٹ سے گاڑی ٹکرا دی گئی، ڈرائیور گرفتار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

برطانوی وزیر اعظم رشی سونک کی رہائش گاہ کے گیٹ سے گاڑی ٹکرا دی گئی۔ گاڑی ٹکرانے والے کو گرفتار کرلیا گیا ہے۔ گاڑی رہائش گاہ کے سامنے والے گیٹ سے ٹکرائی گئی تھی۔

برطانوی پولیس نے جمعرات کو بتایا اس حادثہ میں کوئی زخمی نہیں ہوا اور ایک شخص کو گرفتار کر لیا گیا ہے۔ حادثے کی وجوہات جاننے کے لیے تحقیقات جاری ہیں۔

’’العربیہ‘‘ کے نمائندے نے انکشاف کیا کہ برطانوی وزیر اعظم رشی سونک سرکاری ہیڈ کوارٹرز میں موجود تھے جب کار عمارت کے گیٹ سے ٹکرا ئی ۔ سوشل میڈیا پر پوسٹ کی گئی ویڈیو فوٹیج میں دکھایا گیا ہے کہ ایک سفید کار لندن کے سرکاری ضلع کی مرکزی سڑک وائٹ ہال کے اس پار کم رفتار سے گیٹوں میں سیدھی چلتی ہے۔ اس کے فوراً بعد لی گئی فوٹیج میں ایک کار دکھائی گئی جسے ٹکرایا گیا تھا۔

یہ واضح نہیں ہوسکا کہ تصادم جان بوجھ کر کیا گیا تھا یا اتفاقا ایسا ہوا۔ پولیس نے کہا کہ وہ حالات کا تعین کرنے کے لیے کام کر رہے ہیں۔ واقعے کے بعد پولیس نے وائٹ ہال کو گھیرے میں لے لیا تاہم بعد میں کچھ رکاوٹیں ہٹا دی گئیں۔ 10 ڈاؤننگ سٹریٹ میں وزیر اعظم کا گھر ہے۔ اس سٹریٹ تک عوام کی رسائی محدود ہے اور دروازوں پر مسلح پولیس کی سخت حفاظت ہوتی ہے۔

مقبول خبریں اہم خبریں

مقبول خبریں