سیشیلز کی سعودی عرب کو ورلڈ ایکسپو 2030 کی میزبانی کے لئے مکمل حمایت کی یقین دہانی

جمہوریہ سیشیلز کے وزیر خارجہ و سیاحتی امور سیلویسٹر رادیگونڈے نے ورلڈ ایکسپو 2030 کی میزبانی کے لئے سعودی عرب کی حمایت کی یقین دہانی کروائی ہے۔

سعودی عرب کی سرکاری خبر رساں ایجنسی 'ایس پی اے' کے مطابق سیشلز کے وزیر خارجہ کا یہ بیان سعودی شاہی دیوان کے مشیر احمد بن عبدالعزیز قطان اور جمہوریہ سیشیلز کے صدر واول رامکلاوان کے درمیان ملاقات کے بعد سامنے آیا۔

انہوں نے پہلے سعودی افریقی سمٹ اور پانچویں عرب افریقی سمٹ کے انعقاد پر سعودی عرب کے کردار کی تعریف کی۔

سعودی مشیر نے افریقی ریاست کی جانب سے مملکت کی حمایت پر شکریہ ادا کیا۔