یرغمالیوں کی رہائی، امریکہ، مصر اور قطر کے حکام پیرس میں جمع

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

امریکی خفیہ ادارے سی آئی اے کے سربراہ کے علاوہ مصری انٹیلی جنس چیف، قطری و اسرائیلی حکام اتوار کے روز پیرس میں ملنے کے لیے جمع ہوگئے ہیں۔

پیرس میں اس اعلیٰ سطح کے اجلاس کا فیصلہ چند دن پہلے ہوا تھا کہ باقی اسرائیلی یرغمالیوں کے لیے ایک نیا مذاکراتی دور مکمل کیا جائے۔ چند روز پہلے سامنے آنے والی خبر کے مطابق ان مذاکرات میں مصر کے وزیر خارجہ کی شرکت بھی متوقع تھی۔

مذاکرات میں اتوار کے روز اسرائیلی یرغمالیوں کی رہائی اور ممکنہ جنگی وقفے یا جنگ بندی پر بات چیت ایجنڈے پر سب سے اوپر ہے۔

فرانسیسی حکام کے مطابق وہ بھی ان چاروں ملکوں کے حکام کے ساتھ رابطے میں ہیں اور اسرائیل و حماس کے درمیان کے درمیان جاری جنگ کو روکنے کے لیے ہونے والے مذاکرات سے جڑے ہوئے ہیں۔

خیال رہے غزہ میں اب تک اسرائیلی بمباری سے 26 ہزار سے زائد فلسطینی ہلاک ہوچکے ہیں۔ جن میں بڑی تعداد فلسطینی بچوں اور عورتوں کی ہے۔

تاہم اسرائیلی بمباری مسلسل جاری ہے اور ہر روز بیسیوں فلسطینی اس بمباری کی وجہ سے لقمہ اجل بن رہے ہیں۔ جبکہ ایک سو سے زائد اسرائیلی یرغمالی اب بھی حماس کی قید میں ہیں۔

مقبول خبریں اہم خبریں

مقبول خبریں