سیلفی کے شوق میں خاتون اونچی چٹان سے گر کر حیران کن طور پر بچ گئی

بھارتی ریاست مہاراشٹرا میں ایک اونچی چٹان پر سیلفی لیتے ہوئے خاتون توازن برقرار نہ رکھتے ہوئے اونچی چٹان سے گر گئی اور موت کے بالکل قریب پہنچ کر بھی حیران کن طور پر زندگی کی طرف لوٹ آئی۔

مقامی میڈیا کے مطابق نوجوان خاتون حیران کن طور پر اس حادثے میں اس وقت بچ گئی جب وہ لڑھکتے ہوئے درخت سے ٹکرا گئی۔ نیشنل گارڈ نے کچھ رہائشیوں کی مدد سے اسے بچا لیا۔

پولیس نے بتایا نوجوان خاتون دوستوں کے ایک گروپ کے ساتھ مغربی ہندوستانی ریاست میں تھوسے گڑھ آبشار کا دورہ کر رہی تھی کہ وہ کچھ تصاویر لینے کے لیے رک گئے۔ اسی دوران خاتون حادثہ کا شکار ہوگئی۔ خاتود شدید زخمی ہے اور ہسپتال میں زیر علاج ہے۔