آسٹریلیا کی قنطاس ایئرلائن نے 'احتیاطاً' برطانیہ کی نان سٹاپ پرواز منسوخ کر دی

آسٹریلوی ایئرلائن قنطاس نے جمعرات کو پرتھ سے لندن جانے والی اپنی نان سٹاپ پرواز یہ کہہ کر منسوخ کر دی کہ یہ فیصلہ شرقِ اوسط میں جاری کشیدگی کی وجہ سے "احتیاطاً" کیا گیا ہے۔

عموماً ساڑھے 17 گھنٹے کا بلاوقفہ سفر کرنے والی یہ پرواز اب سنگاپور سے جہاز میں ایندھن بھرے گی جس سے اس کا مسافروں کے پورے بوجھ کے ساتھ ایک ایسے راستے پر سفر کرنا ممکن ہو گا جو متنازعہ فضائی حدود سے بچ کر گذرتا ہے۔

اس سال یہ دوسرا موقع ہے کہ شرقِ اوسط میں بدامنی کی وجہ سے یہ ایئرلائن اپنی پروازوں کا رخ موڑنے پر مجبور ہوئی ہے۔

واپسی کی سروس یعنی لندن تا پرتھ موجودہ ناموافق حالات کی وجہ سے دوبارہ ایڈجسٹ شدہ راستے پر بلاوقفہ پرواز کرتی رہے گی۔

قنطاس بھی اس علاقے سے پروازوں کا رخ موڑنے میں لفتھانزا سمیت دیگر ایئر لائنز میں شامل ہو گئی ہے۔

گذشتہ ہفتے تہران میں حماس کے سیاسی رہنما اسماعیل ہنیہ کی ہلاکت کے بعد یہ خطہ اسرائیل کے خلاف ایران کی جانب سے جوابی فوجی کارروائی کے لیے تیار ہے۔

حزب اللہ اور ایران دونوں نے اسرائیل سے انتقام لینے کا عزم ظاہر کیا ہے۔ دوسری جانب اسرائیل نے ہنیہ کی ہلاکت کی نہ ذمہ داری قبول کی اور نہ اس کی تردید کی ہے۔