لفتھنسا کا تل ابیب کے لیے جمعرات سے پروازیں دوبارہ شروع کرنے کا اعلان

جرمنی کی فضائی کمپنی ' لفتھنسا ' نے کئی ہفتوں کے تعطل کے بعد نئے سرے سے تل ابیب کے لیے پروازیں شروع کرنے کا اعلان کر دیا ہے۔ یہ پروازیں جمعرات کے دن سے دوبارہ شروع کی جائیں گے۔

' لفتھنسا ' نے دوسری بہت سی فضائی کمپنیوں کی طرح مشرق وسطیٰ میں کشیدگی کے باعث اپنی پروازیں اسرائیل اور لبنان کے لیے روک دی تھیں۔ کشیدگی کی وجہ سے فضائی کمپنیوں کو بھاری مالی نقصان کے علاوہ ہزاروں مسافروں کا سفر بھی رک رہا ۔

جرمن فضائی کمپنی نے ماہ اگست کے آغاز میں اپنی پروازوں کے تعطل کا اعلان کیا تھابعد ازاں حالات کی ساز گاری نہ ہونے کے سبب اس تعطل میں چار ستمبر تک توسیع کر دی گئی۔

تاہم کمپنی نے تل ابیب کے لیے پروزاین شروع کرنے کے اعلان کے باوجود لبنان کے لیے اپنی پروازوں کو 30 ستمبر تک معطل رکھنے کا فیصلہ کیا ہے۔