وقت مطالعہ
گھنٹہ
شام کے سرکاری میڈیا نے بتایا ہے کہ اسرائیلی فوج نے بمباری کے ذریعے وسطی شام کے صوبہ حمص کے جنوبی دیہی علاقوں میں قصیر کو نشانہ بنایا ہے۔ میڈیا نے یہ بات بدھ کے روز بتائی ہے۔
اسرائیل کا کہنا ہے کہ وہ شام کے راستے حزب اللہ کو ملنے والے ایرانی ہتھیاروں کی منتقلی کم کرنے کے لیے بمباری کر رہا ہے۔ اسرائیل کے مطابق ہتھیاروں کی منتقلی کا سلسلہ قصیر تک پھیل چکا ہے۔
میڈیا رپورٹس کے مطابق شام کے دفاعی فضائی نظام نے دشمن کے اہداف کو ناکام بنا دیا ہے۔
دوسری جانب اسرائیلی فوج نے بمباری کے اس واقعے پر تبصرہ کی درخواست کا جواب نہیں دیا ہے۔ واضح رہے سات اکتوبر 2023 سے شروع ہونے والی غزہ میں اسرائیلی جنگ کے بعد شام میں اسرائیلی فوج کی کارروائیوں میں اضافہ ہوا ہے۔
