"میں سڑک پر ہوں، سب کچھ آپ کے لیے بند ہے"... ماکروں کی ٹرمپ کو کال کی وڈیو وائرل

فرانسیسی صدر ایمانوئل ماکروں کو پیر کے روز اُس وقت ایک غیر متوقع صورت حال کا سامنا کرنا پڑا جب وہ نیویارک میں اقوامِ متحدہ کے صدر دفتر میں خطاب کے بعد باہر نکلے اور شہر کی سڑکوں کو امریکی صدر ڈونلڈ ٹرمپ کے قافلے کی آمدورفت کے باعث بند پایا۔

سوشل میڈیا پر گردش کرنے والی ایک وڈیو میں دیکھا جا سکتا ہے کہ امریکی پولیس نے ماکروں کو ایک بند سڑک پر روک دیا۔ وہاں موجود ایک اہل کار نے ان سے کہا "معذرت جناب صدر، اس وقت سب کچھ بند ہے" اور ساتھ ہی اشارہ کیا کہ صدارتی قافلہ آنے والا ہے۔

اس صورت حال کو ہلکے پھلکے انداز میں لینے کی کوشش کرتے ہوئے ماکروں نے اپنے امریکی ہم منصب ڈونلڈ ٹرمپ کو فون کیا اور مسکراتے ہوئے کہا "سوچیں تو ذرا، میں ابھی سڑک پر کھڑا ہوں کیونکہ سب کچھ آپ کے لیے بند ہے"۔

کچھ منٹ بعد سڑک کو جزوی طور پر صرف پیدل چلنے والوں کے لیے کھولا گیا، جس کے بعد فرانسیسی صدر نے پیدل ہی فرانسیسی سفارت خانے کا رخ کیا۔ اس دوران وہ صدر ٹرمپ سے ٹیلی فون پر بات کرتے نظر آئے۔