سلسلہ وار اسکینڈلز کے بعد برطانوی شہزادہ اینڈریو نے اپنا شاہی خطاب چھوڑ دیا

برطانوی شہزادہ اینڈریو نے اعلان کیا ہے کہ وہ ڈیوک آف یورک (Duke of York) کا خطاب چھوڑ رہے ہیں، یہ فیصلہ اُن پر برسوں سے جاری اعتراضات کے بعد سامنے آیا ہے ، جو اُن کے رویّے اور امریکی مجرم جیفری ایپسٹین سے تعلقات کے باعث کی جاتی رہی ہیں۔

شہزادہ اینڈریو بادشاہ چارلس کے چھوٹے بھائی اور آنجہانی ملکہ الزبتھ دوم کے دوسرے بیٹے ہیں، اس کی ساکھ گذشتہ چند برسوں میں بری طرح متاثر ہوئی ہے، جس کی سب سے نمایاں وجہ ان کا جیفری ایپسٹین سے تعلق بتایا جاتا ہے۔

تاہم معلومات سے یہ انکشاف ہوا ہے کہ ان کے قریبی تجارتی شراکت داروں میں سے ایک کے بارے میں حکومت کو شبہ ہے کہ وہ چینی جاسوس ہے۔

اینڈریو نے اپنے بیان میں کہا "میرے خلاف لگائے جانے والے مسلسل الزامات نے میرے بڑے بھائی بادشاہ چارلس اور برطانوی شاہی خاندان کی مجموعی سرگرمیوں سے توجہ ہٹا دی ہے۔"

بیان میں مزید کہا گیا: "اسی لیے میں اپنے وہ القاب اور اعزازات واپس کر رہا ہوں جو مجھے دیے گئے تھے۔ جیسا کہ میں پہلے بھی کہہ چکا ہوں، میں اپنے خلاف لگائے گئے تمام الزامات کی سختی سے تردید کرتا ہوں۔"

تاہم اینڈریو نے ایک شوخ مزاج شہزادے کے طور پر شہرت حاصل کی، سال 2022 میں اُنہیں اُن کے بیشتر القاب سے محروم کر دیا گیا اور جیفری ایپسٹین سے تعلقات کے باعث شاہی فرائض سے بھی الگ کر دیا گیا۔