ماسکو میں کار بم دھماکا ، روسی فوج کا سینئر جنرل ہلاک

روس میں حکام نے پیر کے روز دار الحکومت ماسکو میں کار بم دھماکے کے نتیجے میں روسی فوج کے ایک سینئر جنرل کی ہلاکت کا اعلان کیا ہے۔
"ٹاس" نیوز ایجنسی کے مطابق روسی تحقیقاتی کمیٹی نے بتایا ہے کہ مسلح افواج کے آپریشنل ٹریننگ ڈیپارٹمنٹ کے سربراہ جنوبی ماسکو میں ایک پارکنگ لاٹ میں ہونے والے دھماکے میں اپنی جان سے ہاتھ دھو بیٹھے۔

کمیٹی کا کہنا ہے کہ ابتدائی معلومات اس جانب اشارہ کرتی ہیں کہ جنرل(Fanil Sarvarov) کے قتل میں یوکرینی انٹیلی جنس ادارے ملوث ہیں.
کمیٹی نے مزید کہا کہ زیرِ تفتیش پہلوؤں میں سے ایک امکان یہ بھی ہے کہ یہ دھماکہ خیز مواد یوکرینی سکیورٹی اداروں کی جانب سے نصب کیا گیا تھا۔