خالد بن سلمان کی پاک فوج کے سربراہ سے ملاقات، سعودی عرب پر ایرانی حملوں پر بات چیت

سعودی عرب کے وزیر دفاع شہزادہ خالد بن سلمان نے پاکستانی فوج کے سربراہ جنرل عاصم منیر سے ملاقات کی۔

شہزادہ خالد نے پاکستانی عہدے دار کے ساتھ دونوں ممالک کے درمیان مشترکہ تزویراتی دفاعی معاہدے کے فریم ورک کے تحت سعودی عرب پر ایرانی حملوں اور ان حملوں کو روکنے کے طریقوں پر تبادلہ خیال کیا جو خطے کی سکیورٹی اور استحکام کے مفاد میں نہیں ہیں۔

سعودی وزیر دفاع نے "ایکس" پر اپنے اکاؤنٹ کے ذریعے اس کی اطلاع دیتے ہوئے کہا کہ "ہمیں امید ہے کہ ایرانی فریق حکمت اور دانش مندی کی آواز کو غالب رکھے گا اور غلط اندازوں سے دور رہے گا"۔

دونوں ممالک کے درمیان مشترکہ تزویراتی دفاعی معاہدہ موجود ہے جس کے مندرجات اس بات پر زور دیتے ہیں کہ سعودی عرب یا پاکستان کے خلاف کوئی بھی بیرونی مسلح حملہ ... دونوں ممالک پر حملہ تصور کیا جائے گا۔

مشترکہ تزویراتی دفاعی معاہدے کو دونوں ممالک کے درمیان ایک تاریخی انضمام قرار دیا گیا ہے جو مشترکہ دفاعی صلاحیتوں کو مضبوط بنانے اور دفاعی قوت کو بڑھانے کے عزم کے فریم ورک کے تحت ہے تاکہ ان کی سکیورٹی اور استحکام حاصل ہو سکے۔