پوپ کا ایران میں بمباری سے بچوں کی ہلاکتوں پر اظہار افسوس، لبنان کے ساتھ بھی اظہار یکجہتی

مسیحی کیتھولک فرقے کے مذہبی رہنما پوپ لیو نے ایران میں بمباری سے شہریوں کی ہلاکتوں اور خاص طور پر کر بچوں کی ہلاکت پر افسوس کا اظہار کیا ہے ۔ انہوں نے لبنان پر اسرائیلی حملوں پر بھی افسوس کا اظہار کرتے ہوئے کہا لبنان بہت مشکل وقت سے گزر رہا ہے۔ انہوں نے اس بات کو بار بار دہرایا کہ تنازعہ ختم کیا جائے اور یہ بھی انتباہ کیا کہ تشدد قابو سے باہر ہوسکتا ہے ۔ وہ بدھ کے روز سینٹ پیٹرز سکوائر میں ہفتہ وار خطاب کر رہے تھے ۔ انہوں نے حاضرین سے کہا کہ آئیں ہم سب مل کر امن کے لیے دعا کریں تاکہ ایران اور پورے مشرق وسطیٰ میں امن ہوجائے کیونکہ جنگوں کی وجہ سے بہت سے معصوم بچے اور شہری جاں بحق ہورہے ہیں ۔

یاد رہے ایران پر امریکہ اور اسرائیل کی مسلط کردہ جنگ کا بارھواں دن ہے اور اس کے پہلے ہی روز امریکہ نے بمباری کرکے پرائمری سکول کی تقریبا دو سو بچیوں کو ہلاک کردیا تھا ۔ امریکی حکام کا کہنا ہے کہ وہ ابھی تک اس واقعے کی تحقیقات کر رہے ہیں۔
پوپ لیو نے جنوبی لبنان میں پادری کی ہلاکت پر بھی افسوس کا اظہار کیا کہ پادری اسرائیلی بمباری کی وجہ سے ہلاک ہوا ہے ۔ پوپ نے کہا ریورینڈ پیئر ایل راہی سچا چرواہا تھا جو ایک حملے میں زخمی ہونے والوں جو امداد دینے کی کوشش میں ہلاک ہوگیا