شاہ سلمان ریلیف کے سپروائزر جنرل ڈاکٹر عبداللہ الربیح کی سوڈان میں سعودی سفیر زیاد الحربی سے ایک اہم ملاقات ہوئی ہے، ملاقات سعودی دارالحکومت میں کی گئی اور انسانی بنیادوں پر سوڈان میں شاہ سلمان ریلیف کی سرگرمیوں کا جائزہ لیا گیا۔
دونوں اعلی حکام نے سوڈان کے غربت اور مسائل زدہ عوام کے لیے 'کے ایس ریلیف' کے منصوبوں کی رفتار پر غور کیا۔ اس موقع پر سفیر برائے سوڈان نے 'کے ایس ریلیف' کی طرف سے سوڈانی عوام کے لیے فراخدلانہ انیشیٹوز کو سراہا اور 'کے ایس ریلیف' کی دنیا بھر میں مشکلات میں گھرے انسانوں کے لیے عوام پر اثرات کی تعریف کی۔
دریں اثنا شاہ سلمان ریلف نے اقوام متحدہ کے انسانی بنیادی امور سے متعلق رابطہ کاری کے ذمہ دار ادارے کے ساتھ ایک ورچوئل سیشن کیا۔ سیشن میں افغانستان، غزہ اور شام میں امدادی کاموں کے لیے چیلنجوں پر تبادلہ خیال کیا گیا۔
اقوام متحدہ کے حکام کے ساتھ یہ مذاکراتی سیشن شاہ سلمان ریلیف کے بین الاقوامی شراکت داروں کے ساتھ مشاورت اور حکمت عملی کے حوالے سے معمول کی سرگرمی ہے تاکہ مشکلات میں گھرے انسانوں کو انسانی بنیادوں پر سامان کی فراہمی میں ایک دوسرے سے تعاون کیا جا سکے۔
