صدر آسٹریا کی والدین سےبچوں کو میچ دیکھنے کی اجازت دینے کی درخواست

آسٹریا کے صدر الیکزانڈر فان ڈیر بیلن نے والدین سے درخواست کی ہے کہ وہ اپنے بچوں کو دیر تک جاگنے کی اجازت دیں تاکہ وہ ورلڈ کپ کے میچ دیکھ سکیں۔

یہ اپیل اس وقت سامنے آئی ہے، جب آسٹریا کی قومی ٹیم 1954 کے بعد پہلی بار ورلڈ کپ کے ناک آؤٹ مرحلے میں اسپین کے خلاف میدان میں اترنے والی ہے۔ یہ میچ جمعرات کو لاس اینجلس میں کھیلا جائے گا، جو آسٹریا کے وقت کے مطابق رات 9 بجے شروع ہوگا۔

صدر نے اپنی فیس بک پوسٹ میں لکھا:پیارے والدین، جمعرات کے روز بچوں کو تھوڑی دیر تک جاگنے دیں۔

انہوں نے مزید کہا کہ وہ جانتے ہیں کہ دیر رات تک ٹی وی دیکھنا اچھی عادت نہیں، لیکن اس موقع پر اس اصول میں نرمی کی جا سکتی ہے تاکہ بچے قومی ٹیم کو براہِ راست سپورٹ کر سکیں۔

صدر نے اپنی بات ختم کرتے ہوئے کہا کہ یہ یادیں بچوں کی پوری زندگی کے ساتھ رہتی ہیں، خاص طور پر جب یہ میچ اسکول کی چھٹیوں سے کچھ دن پہلے ہو رہا ہے۔