مصر سے ڈی پورٹ کی جانے والی خواتین کا ائیر پورٹ پر مظاہرہ

انسانی حقوق کیلیے سرگرم خواتین کارکن غزہ جانا چاہتی تھی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

انسانی حقوق کیلیے سرگرم خواتین کو غزہ جانے سے روکنے پر امریکا اور مغربی ممالک سے تعلق رکھنے والی خواتین نے قاہرہ ائیر پورٹ پر سخت احتجاج کیا ہے۔ یہ احتجاج اس موقع پر کیا گیا جب انہیں مصری حکام نے زبردستی ڈیپورٹ کیا گیا۔

سرکاری حکام نے اپنا نام ظاہر نہ کرنے کی شرط پر بتایا '' ان خواتین کے نام اس لیے مصر میں داخلے کے حوالے سے بلیک لسٹ کیے گئے ہیں کہ انہوں نے اچھا سلوک کرنے کے باوجود سکیورٹی حکام کو مشتعل کرنے کی کوشش کی۔ انسانی حقوق کے لیے سرگرم کارکن خواتین احتجاج کرنے کے بعد لندن ، پیرس اور استنبول جانے والی پروازوں سے واپس چلی گئیں۔

واضح رہے دو روز پہلے لگ بھگ چالیس خواتین نے سیناء کے راستے رفح کی رہداری تک رسائی کی کوشش کی تھی۔ لیکن ان خواتین کو مصری سکیورٹی حکام نے سیناء میں ہی روک دیا۔ اس سے پہلے امریکی نوبل انعام یافتہ خاتون میڈا بنجمن کو مصر میں داخل ہونے سے روکا گیا اور کچھ دیر حراست میں رکھنے کے بعد ڈی پورٹ کر دیا گیا۔

انسانی حقوق سے متعلق خواتین کارکن غزہ میں اسرائیلی ناکہ بندی کی وجہ سے پیدا شدہ صورت حال کا جائزہ لینے کے لیے جانا چاہتی تھیں ۔نیز خواتین کا عالمی دن غزہ کی رہائشی خواتین کے ساتھ گذارنا چاہتی تھیں۔

مقبول خبریں اہم خبریں

مقبول خبریں