دوما پر شامی فضائیہ کا نیا حملہ، 50 افراد ہلاک

شام کی مقامی کوارڈی نیشن کمیٹیوں کے مطابق شامی فضائیہ کے لڑاکا طیاروں کی دمشق کے نواحی علاقے دوما پر تازہ بمباری میں 50 افراد کے ہلاک ہونے کی اطلاع ہے۔

کمیٹیوں کے مطابق بشار الاسد کو جوابدہ فضائیہ نے اپنے حملوں میں مختلف اقسام کے بم گرائے۔ مانیٹرنگ کمیٹی کے اندازے کے مطابق حالیہ حملوں میں تقریبا دو سو افراد لاپتا ہیں، جن کے بارے میں خیال ظاہر کیا جا رہا ہے کہ وہ ملبے تلے دبے ہوئے ہیں۔