.

یمن : حوثیوں نے 66 اساتذہ کو صنعاء یونی ورسٹی سے ہٹا دیا

پہلی اشاعت: آخری اپ ڈیٹ:

یمن میں صنعاء یونی ورسٹی کی پریذیڈنسی نے، جس پر حوثی اور صالح ملیشیاؤں کا کنٹرول ہے ملک میں اپنی نوعیت کے پہلے اقدام میں 66 اکیڈمکس کو ذمہ داریاں سرانجام دینے سے روک دیا ہے۔ ان افراد میں تدریسی کمیٹی کے ارکان اور ان کے معاونین شامل ہیں۔

یاد رہے کہ ستمبر 2014 میں باغیوں کے قبضے کے بعد سے صنعاء یونی ورسٹی انتظامی اور اکیڈمک طور پر شدید انارکی سے دوچار ہے۔ اس دوران یونی ورسٹی کی پریذیڈنسی اور کلیات کو حوثیوں کے قریبی عناصر کا تقرر کر کے بھر دیا گیا ہے اور اس سلسلے میں تعلیمی اور انتظامی معیارات کی دھجیاں اڑا دی گئیں۔