سوڈانی صدر کا اماراتی قیادت کے ہمراہ دفاعی نمائش کا دورہ

سوڈان کے صدر عمر البشیر نے متحدہ عرب امارات کے دو طاقتور رہنماوں کے ہمراہ اتوار کے روز ابوظہبی میں جاری آئیڈیکس دفاعی نمائش کا دورہ کیا۔

دفاعی نمائش "آئیڈیکس" کے دورہ کے موقع پر ابوظہبی کے ولی عہد شہزادہ محمد بن زاید آل نھیان اور حاکم دبئی شیخ محمد بن راشد المکتوم بھی سوڈانی صدر کے ہمراہ تھے۔

تینوں رہنماوں نے نمائش میں عسکری کارروائیوں کے مظاہرے دیکھے۔ اس موقع پر نمائش میں رکھے گئے اسلحہ سے دھماکے کئے گئے جبکہ بین الاقوامی دفاعی نمائش اور کانفرنس 'آئیدیکس' میں شامل لڑاکا طیاروں اورہیلی کاپٹروں نے بھی اپنی منفرد دفاعی صلاحیتوں کا مظاہرہ کیا۔

آئیڈیکس نمائش کا اہتمام ہر دو سال بعد یو اے ای کے صدر مقام ابوظہبی میں باقاعدہ سے کیا جاتا ہے۔ اس میں پاکستان سمیت دنیا پھر سے دفاعی پیداوار کے ادارے شرکت کرتے ہیں۔