.

حوثیوں کی ریاض پر میزائل حملے کی کوشش ، خلیجی ممالک کی سخت مذمّت

پہلی اشاعت: آخری اپ ڈیٹ:

خلیجی ممالک نے یمن میں باغی ملیشیا کی جانب سے سعودی دارالحکومت کی سمت میزائل داغے جانے کی سخت مذمت کی ہے۔ متحدہ عرب امارات ، کویت اور بحرین نے باور کرایا ہے کہ وہ اس موقع پر ریاض کے ساتھ کھڑے ہیں۔

ابوظبی کے ولی عہد شیخ محمد بن زاید نے زور دے کر کہا ہے کہ متحدہ عرب امارات کی ریاست سعودی عرب اور خطے کے امن و استحکام کو درپیش چیلنجوں کا مقابلہ کرنے کے لیے مملکت کے شانہ بشانہ موجود ہے۔

مملکت بحرین نے بھی سعودی عرب پر حوثیوں کی سنگین جارحیت کو مذمت کرتے ہوئے باور کرایا ہے کہ یہ کارروائی بحران کے پر امن حل کی تلاش میں حوثیوں کی عدم سنجیدگی کی عکّاس ہے۔

ادھر کویت نے بھی حوثیوں کی کارستانی کی بھرپور مذمت کرتے ہوئے اس واقعے کو "خطرناک پیش رفت" قرار دیا ہے۔

دوسری جانب اسلامی تعاون تنظیم نے واضح کیا ہے کہ حوثی ملیشیا مملکت سعودی عرب کے خلاف سازشی منصوبوں پر عمل پیرا ہے۔