یمنی صدر کا عدن میں فوری فائر بندی کا مطالبہ

یمن کے صدر عبد ربہ منصور ہادی نے اپنی فورسز سے مطالبہ کیا ہے کہ وہ ملک کے عارضی دارالحکومت عدن میں فوری طور پر فائر بندی کریں جہاں یہ فورسز اتوار کی صبح سے جنوب کے علاحدگی پسندوں کے مسلح گروپوں کے ساتھ خون ریز جھڑپوں میں مصروف ہیں۔

یمنی طبی ذرائع نے اتوار کے روز بتایا ہے کہ عدن میں فریقین کے بیچ ہونے والی جھڑپوں میں کم از کم 15 افراد ہلاک ہوئے۔

ادھر یمنی وزیراعظم احمد بن دغر نے فوری فائر بندی اور عسکری فورسز کو اپنی بیرکوں میں واپسی کی ہدایت دی ہے۔ بن دغر نے زور دیا کہ "آج صبح فریقین کی جانب سے قبضے میں لیے گئے ٹھکانوں کو غیر مشروط طور پر خالی کر دیا جائے"۔