نل کے پانی کو آب زمزم کے نام سے فروخت کرنے والا مصری گرفتار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

مصر کے شہر اسکندریہ میں سکیورٹی حکام نے ہفتے کے روز کارروائی کرتے ہوئے ایک لائبریری کے مالک کو گرفتار کر لیا جو شیشے کی بوتلوں میں نل کا پانی بھر کر انہیں آب زمزم کے نام سے مہنگے داموں فروخت کر رہا تھا۔

تفصیلات کے مطابق "محرم بک" کے علاقے میں ایک لائبریری کا 39 سالہ مالک بنا کسی اجازت نامے کے پانی بھر کر انہیں قیمت کے عوض شہریوں کو فروخت کرتا رہا۔ یہ انکشاف بھی ہوا ہے کہ لائبریری کا مذکورہ مالک جن بوتلوں میں یہ پانی بھرتا ہے اس پر "آب زمزم" لکھا ہوتا ہے۔ اس پانی کو لوگوں کو مہنگے داموں فروخت کر کے وہ بھاری منافع کماتا ہے۔

سکیورٹی ذرائع کے مطابق متعلقہ پولیس فورس نے لائبریری پر چھاپہ مارا اور وہاں سے مختلف حجم کی پانی کی بوتلیں اور بڑی تعداد میں اسٹیکرز قبضے میں لے لیے۔ ان اسٹیکرز پر آب زمزم تحریر تھا۔ ان کے علاوہ خالی بوتلوں کی بھی ایک بڑی تعداد برآمد کر لی گئی۔

ملزم کو تحقیقات کے واسطے استغاثہ کے حوالے کر دیا گیا ہے۔

مقبول خبریں اہم خبریں

مقبول خبریں