عرب اتحادی فوج کی الحدیدہ میں بمباری سے 9 حوثی باغی ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کے ساحلی علاقے الحدیدہ کے جنوب میں ایران نواز حوثی باغیوں کے ٹھکانوں پر عتب اتحادی فوج نے بمباری کی جس کے نتیجے میں 9 باغی ہلاک اور درجنوں زخمی ہوگئے۔

العربیہ ڈاٹ نیٹ کے مطابق یمن کے ایک عسکری ذریعے کا کہناہے کہ منگل کے روز جنوبی الحدیدہ میں العمالقہ فورسز اور عرب اتحادی فوج نے التحیتا کے مقام پر حوثیوں کے ٹھکانوں پر بمباری کی جس کے نتیجے میں درجنوں باغی ہلاک اور زخمی ہوگئے۔ قبل ازیں اس علاقے میں حوثی شدت پسندوں نے گولہ باری سے متعدد شہریوں کو ہلاک کردیا تھا۔

ذرائع کا کہنا ہے کہ عرب اتحادی فوج کی بمباری سے حوثی شدت پسندوں کی کئی فوجی گاڑیاں اور اسلحہ اور گولہ بارود بھی تباہ ہوگیا۔

ادھر حوثی ملیشیا نے الحدیدہ میں شہری آبادی پر ھاون راکٹوں سے حملے کیے جس کے نتیجے میں متعدد شہری جاں‌بحق اور زخمی ہوگئے۔ یمن فوج نے باغیوں کی کارروائی کا منہ توڑ جواب دیا۔

مقبول خبریں اہم خبریں

مقبول خبریں