فلسطینی اراضی پر اسرائیلی قبضہ انسانی المیہ ہے : اردنی فرماں روا

اردن کے فرماں روا شاہ عبداللہ دوم نے باور کرایا ہے کہ دوسری عالمی جنگ کے اختتام کے بعد سے دنیا کو نقل مکانی کے سب سے بڑے عمل کا سامنا ہے۔

منگل کے روز نیویارک میں اقوام متحدہ کی جنرل اسمبلی سے خطاب کرتے ہوئے انہوں نے کہا کہ فلسطینیوں کے متفق ہوئے بغیر علاقائی استحکام کھوکھلا رہے گا۔

شاہ عبداللہ نے واضح کیا کہ فلسطینی اراضی پر اسرائیلی قبضے کا جاری رہنا ایک انسانی المیہ ہے۔ انہوں نے باور کرایا کہ فلسطینی عوام اپنے مکمل حقوق حاصل کرنے کے مستحق ہیں۔

اردن کے فرماں روا کے مطابق انصاف کے ذریعے لوگوں کی زندگی بہتر بنائی جانی چاہیے اور اس حوالے سے ناکام کی کوئی گنجائش نہیں۔

اس سے قبل منگل کے روز امریکی چینل MSNBC کو دیے گئے ایک انٹرویو میں شاہ عبداللہ نے مقبوضہ فلسطینی اراضی پر اسرائیلی کارستانیوں پر روشنی ڈالی۔ انہوں نے کہا کہ نسل پرستانہ بنیاد پر اسرائیلی کارروائیاں مشرق وسطی میں تنازع پیدا کر رہی ہیں ،،، ایک ریاستی حل سب کے لیے تباہ کن ثابت ہو گا۔