ترکی کے 4 فوجی طیارے جنگی سازومان لے کرطرابلس پہنچ گئے

پہلی اشاعت: آخری اپ ڈیٹ:
مطالعہ موڈ چلائیں
100% Font Size

ترکی کی حکومت لیبیا میں قومی وفاق حکومت کی مدد کے لیے جنگجو اور بڑی تعداد میں اسلحہ اور گولہ بارود فراہم کرنے کا سلسلہ جاری رکھے ہوئے ہے۔ ترکی نے طرابلس کی عسکری مدد کے لیے ایئر پُل کھول دیا ہے۔ اطلاعات کے مطابق ترک حکومت کی طرف سے طرابلس کی قومی وفاق حکومت کو چار جنگی طیارے فوجی سازو سامان کے ساتھ بھیجے گئے ہیں۔

قومی وفاق حکومت نے جمعرات کے روز بتایا کہ "C130 طرز کے 4 ترک فوجی طیارے مصراتہ ہوائی اڈے پر اترے۔ ان طیاروں میں طرابلس کے لیے عسکری رسد لائی گئی ہے۔

Advertisement

بیان میں کہا گیا ہے کہ گذشتہ روز ترکی کے 13 طیارے لیبیا کی فضائی حدود میں داخل ہوئے۔

اس سے قبل ، جمعرات کو ، العربیہ اور الحدث ٹی وی چینلوں کو اطلاعات ملی تھیں کہ ترکی کے 3 فوجی کارگو طیارے مغربی لیبیا جارہےہیں۔ذرائع نے بتایا کہ طرابلس روانہ ہونے والے دو طیارے استنبول سے اور تیسرا کونیا فضائی اڈے سے روانہ ہوا۔

جمعرات کے روز یہ اطلاعات ملی تھیں کہ ترکی کے دو بحری جہازسرکک اور حیدر پاشا بھی لیبیا کی طرف روانہ ہوئے ہیں۔ انہیں یونان کے ایک بحری جہاز کی طرف سے روکنے کی ناکام کوشش کی گئی۔ اطلاعات ہیں کہ دونوں کارگو بحری جہاز سامان لے کر لیبیا کی بندرگاہوں کے قریب پہنچ گئے ہیں۔

مقبول خبریں اہم خبریں