ترکی کا لیبیا کے دارالحکومت طرابلس میں اپنے فوجی کی ہلاکت کا اعتراف

ترکی کی وزارت دفاع کے مطابق لیبیا کے دارالحکومت طرابلس میں ترک فوج کا ایک اہل کار ہلاک ہو گیا۔

منگل کی شب ٹویٹر پر جاری بیان میں وزارت دفاع نے بتایا ہے کہ ترکی کے شہر کوزان سے تعلق رکھنے والے سارجنٹ بلال یلماز کا تعلق فضائیہ سے ہے۔ وہ طرابلس میں اپنی ذمے داریوں کو انجام دینے کے دوران ہلاک ہوا۔

مذکورہ فوجی کو اس کی بیوہ کی درخواست پر ترکی کے شہر غازی عنتاب میں دفن کیا جائے گا۔

گذشتہ ماہ جولائی میں لیبیا میں الوطیہ کے فوجی اڈے کو فضائی بم باری کا نشانہ بنایا گیا تھا۔ اس کے نتیجے میں اڈے میں موجود ترک فوجی اہل کاروں میں 6 افسران ہلاک اور متعدد زخمی ہو گئے تھے۔

اس موقع پر ذرائع نے بتایا تھا کہ الوطیہ کے اڈے پر لیبیا کی فوج نے 9 درست حملے کیے۔ ان حملوں میں ترکی کے فضائی دفاعی نظام تباہ ہو گئے تھے۔

ترکی اور لیبیا کی وفاق حکومت کے درمیان عسکری معاہدے پر دستخط ہونے کے بعد یہ لیبیا کی فوج کی جانب سے اپنی نوعیت کا پہلا حملہ تھا۔