آسٹریلوی سفارتی کار بم کا نشانہ بن گئی ، کوئی جانی نقصان نہیں ہوا ہے

عراقی دارالحکومت میں آسٹریلوی سفارتی قافلے میں شامل ایک کار زمین میں دبائے گئے بم کا نشانہ بن گئی تاہم کوئی جانی نقصان نہیں ہوئا ہے۔ صرف ایک کار کو نقصان پہنچا ہے۔

آسٹریلوی سفارتی قافلہ بغداد کے محفوظ ترین سمجھے جانے والے گرین زون سے گذر رہا تھا کہ یہ واقعہ پیش آیا گیا۔ گرین زون وزیروں کے دفاتر اور سفارتخانوں سے بھرا ہوا علاقہ ہے۔ اس لیے اس کی سکیورٹی کا اہتمام غیر معمولی رہتا ہے۔

عراقی سکیورٹی اہلکار نے اپنی شناخت ظاہر نہ کرتے ہوئے یہ کہا ہے کہ کار کے بم سے ٹکرانانے سے کوئی جانی نقصان نہیں ہوا ہے۔ لگتا ہے کہ سفارت خانے کی گاڑی ہدف ہی نہیں تھی۔ دوسری جانب کسی گروپ نے فوری طور پر اس واقعے کی ذمہ داری قبول نہیں کی ہے۔

عراق کے ایک ترجمان برائے وزارت خارجہ نے اس واقعے پر افسوس طاہر کیا ہے اور آسٹریلیا کے ساتھ اس موقع پر کامل یکجہتی کا اظہار کیا ہے۔

واضح رہے آج کل مقتدیٰ الصدر کے ہزاروں حامی بغداد میں احتجاج کر رہے ہیں۔ ان کا مطالبہ یہ ہے کہ اسمبلی تحلیل کر کے نئے سرے سے انتخابات کرائے جائیں۔ ان دنوں مجموعی طور پر بغداد میں ماضی کے مقابلے میں امن ہے۔