اسرائیلی فوج کا نابلس پر حملہ، دو فلسطینی نوجوان جاں بحق

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

اسرائیلی فوج نے مغربی کنارے کے قدیم شہر نابلس پر دھاوا بول دیا۔ صہیونی فورسز کی اس جارحیت میں دو فلسطینی نوجوان جاں بحق ہوگئے۔

فلسطینی ٹیلی ویژن کے مطابق صہیونی فورسز نے آج جمعہ کو حملہ کیا۔ ٹی وی چینل نے حملہ کی فوٹیج بھی شائع کی اور بتایا کہ اسرائیلی فوج نے شہر میں فوجی کمک بھیجی ہے۔ پرانے شہر کے مشرقی محلے میں ایک گھر کو گھیرے میں لے لیا اور ایک نوجوان کو ہتھیار ڈالنے کا کہا۔

سرکاری فلسطینی نیوز ایجنسی نے بھی سیکیورٹی ذرائع کے حوالے سے بتایا ہے کہ اسرائیلی سپیشل فورس نے نابلس کے پرانے شہر کے ’’حبلہ‘‘ محلے پر دھاوا بولا۔ بڑی تعداد میں اسرائیلی فوجی گاڑیوں نے شہر پر دھاوا بولا ۔ شہر کے کئی محاذوں پر ایک ساتھ حملہ کیا گیا۔ ایجنسی نے کہا کہ اسرائیلی افواج اب بھی پرانے شہر کے آس پاس موجود ہیں۔

دوسری طرف اسرائیلی فوج نے بتایا کہ نابلس میں آپریشن اس ہفتے پولیس کی گاڑی پر فائرنگ کرنے والوں کے خلاف تھا۔

یاد رہے اسرائیلی فوج نے گزشتہ روز کہا تھا کہ ایک فلسطینی بندوق بردار نے مقبوضہ مغربی کنارے میں ایک بستی کے قریب ایک اسرائیلی فوجی کو گولی مار کر ہلاک کر دیا تھا۔ حماس نے کہا تھا کہ یہ کارروائی جنین کیمپ پر حالیہ اسرائیلی حملے کے رد عمل میں کی گئی ہے۔ یہ کارروائی نابلس کے قریب کدومیم بستی میں کی گئی تھی۔

مقبول خبریں اہم خبریں

مقبول خبریں