انارکی کھیپ میں چھپائی گئی منیشات کی تقریبا ایک ملین گولیاں ضبط

سعودی عرب کی ضباء بندرگاہ میں انسداد منشیات حکام نے بیرون ملک سے آنے والے سامان کی تلاشی کے دوران انار کی کھیپ میں چھپائی گئی منشیات کی بھاری مقدار قبضےمیں لے لی ہے۔

زکوٰۃ، ٹیکس اور کسٹمز اتھارٹی نے بتایا کہ بندرگاہ پر انار کی کھیپ میں چھپائی گئی 932,980 کیپٹاگون گولیاں اسمگل کرنے کی کوشش کو ناکام بنا دیا۔ یہ کھیپ بندرگاہ کے ذریعے مملکت میں داخل ہونے والی کھیپ میں چھپائی گئی تھیں۔

کسٹمزاتھارٹی نے وضاحت کی کہ "انار" کی ایک کھیپ سعودی عرب میں دبئی کی بندرگاہ کے ذریعے موصول ہوئی تھی۔ اسے کسٹم کے طریقہ کار کے تحت تلاشی کے عمل سے گذارا گیا۔ معائنہ سے پتا چلا کہ انار کے دانوں کے اندر کیپٹاگون کی بڑی مقدار میں گولیاں چھپائی گئی ہیں۔

کسٹمز اتھارٹی نےبتایا کہ دوسرے اداروں کے ساتھ مل کر منشیات کی کھیپ منگوانے والے دو ملزمان کو گرفتار کیا گیا ہے۔

بیان میں شہریوں سے کہا گیا ہے یہ وہ منشیات کے دھندے کی کسی بھی سرگرمی سے نمٹنے کے لیے متعلقہ اداروں کے دیئے گئے فون نمبروں پر شکایت درج کرائیں تاکہ منشیات کی اسمگلنگ کی کسی بھی کوشش کو ناکام بنایا جا سکے۔