مصری ہلال احمر نے خان یونس میں امدادی کیمپ قائم کرنا شروع کر دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

قاہرہ نیوز کی خبر کے مطابق اس ہفتے مصری سیاسی قیادت نے مصری ہلال احمر کو غزہ کی پٹی کے جنوب میں واقع شہر خان یونس میں امدادی کیمپ قائم کرنے کی ہدایت کی ہے جس کے بعد کیمپ کے قیام کے لیے تیاریاں شروع کردی گئی ہیں۔

اس اقدام کا مقصد جنگ زدہ فلسطینی بھائیوں کو درپیش انسانی بحران کو ختم کرنا اور شمالی غزہ کی پٹی سے بے گھر ہونے والے ہزاروں افراد کو عارضی قیام کی سہولت فراہم کرنا ہے۔

قاہرہ نیوز نے رپورٹ کیا کہ "مصری امدادی کارکنوں اور آلات کے ساتھ مصری کیمپ کے پہلے مرحلے کو مکمل کرنے کے لیے جنوبی غزہ کی پٹی میں خان یونس گورنری میں تیاریاں جاری ہیں۔"

انہوں نے بتایا کہ مصری ہلال احمر کیمپ کے پہلے مرحلے کو مکمل کرنے پر کام کر رہا ہے، جس میں 300 خیموں کی تعمیر بھی شامل ہے جس میں 1,500 افراد کے قیام کی گنجائش ہوگی۔

قاہرہ نیوز چینل نے غزہ کی پٹی کے جنوب میں واقع شہر خان یونس میں کیمپ کے قیام کے دوران مصری ہلال احمر کے کارکنوں کی ٹیلی ویژن فوٹیج دکھائی جس میں انہیں کام کرتے دیکھا جا سکتا ہے۔

اس نے فلسطینی ہلال احمر کے سپلائی ڈائریکٹر محمد ابو العطا کا حوالہ دیتے ہوئے کہا کہ "اب ہم اس کیمپ کے قیام کے پہلے مرحلے میں ہیں جو مصر غزہ کی پٹی کے جنوب میں واقع خان یونس کے مغرب میں واقع علاقے میں قائم کر رہا ہے۔"

فلسطینی ہلال احمرمیں سپلائی کے ڈائریکٹرنے کہا کہ "اگلا مرحلہ ایک ہزار خیموں کا قیام ہے جس میں تقریباً 5,000 پناہ گزینوں اور بے گھر افراد کو جگہ دی جائے گی۔ مصری ہلال احمر کے ساتھ تمام تعاون کوآگے بڑھایا جا رہا ہے۔

فلسطینی ہلال احمر کے کرائسز ڈائریکٹر عبدالعزیز ابو عائشہ نے خان یونس کیمپ پر پر بات کرتے ہوئے کہا کہ اسے مصری ہلال احمر کی طرف سے تیار کیا جا رہا ہے یہ جنگ کے دوران قائم ہونے والا اپنی نوعیت کا پہلا عارضی کیمپ ہوگا جس کے اگلے مراحلے پر بھی جلد کام شروع ہوجائے گا۔

مقبول خبریں اہم خبریں

مقبول خبریں