غزہ پر سلامتی کونسل کی قرارداد کے ایک دن بعد اسماعیل ھنیہ کا دورہ ایران

ایرانی میڈیا نے منگل کی صبح اطلاع دی ہے کہ حماس کے سیاسی بیورو کے سربراہ اسماعیل ھنیہ ایرانی حکام سے ملاقات کے لیے ایرانی دارالحکومت تہران جا رہے ہیں۔

ایرانی انگریزی زبان کے پریس ٹی وی چینل نے کہا کہ اسلامی مزاحمتی تحریک (حماس) کے سیاسی بیورو کے سربراہ اسماعیل ہنیہ ایرانی حکام سے ملاقات کے لیے منگل کو تہران جائیں گے۔

یہ دورہ اقوام متحدہ کی سلامتی کونسل کی جانب سے اسرائیل اور فلسطینی گروپ کے درمیان غزہ میں فوری جنگ بندی کا مطالبہ کرنے والی قرارداد کی منظوری کے ایک دن بعد ہوا ہے۔

کل پیر کو اقوام متحدہ کی سلامتی کونسل نے اپنی پہلی قرارداد منظور کی جس میں غزہ میں "فوری جنگ بندی" کا مطالبہ کیا گیا، جب کہ امریکہ نے قرارداد کو ویٹو نہیں کیا البتہ اس نے ووٹنگ میں حصہ بھی نہیں لیا۔

قابل ذکر ہے کہ ایران غزہ میں تقریباً 6 ماہ سے جاری جنگ میں حماس تحریک کی حمایت کرتا ہے اور اس کے نتیجے میں 32 ہزار سے زائد فلسطینی شہید ہو چکے ہیں۔