سعودی وزیرخارجہ کاخلیجی ریاستوں اور وسطی ایشیا کےدرمیان ہم آہنگی کو فروغ دینے پر زور

سعودی عرب کے وزیر خارجہ شہزادہ فیصل بن فرحان نے خلیجی ریاستوں اور وسطی ایشیا کے درمیان مشترکہ اقدار، مفادات اور گہرے تاریخی تعلقات کی بنیاد پر ہم آہنگی اور مشاورت کو مضبوط بنانے کی اہمیت پر زور دیتے ہوئے خلیجی ریاستوں کے مفادات کو مضبوط کرنے کی اہمیت پر زور دیا ہے۔

انہوں نے کہا کہ سعودی عرب وسطی ایشیا کے خطوں کو ایک محفوظ، مستحکم اور خوشحال خطہ بنانے اور سب کے لیے بہتر مستقبل کی امید، ترقی اور خوشحالی کی حمایت کرتا ہے۔

یہ بات انہوں نے تاشقند میں وسطی ایشیائی ممالک اور خلیجی وزرائے خارجہ کے اجلاس سے خطاب میں کہی۔

انہوں نے خلیجی ریاستوں اور وسطی ایشیا کے درمیان امن کے قیام، مذاکرات کے ذریعے حل کی حوصلہ افزائی، سلامتی، استحکام اور ترقی کی حمایت کے حوالے سے وسیع اتفاق رائے کا ذکر کیا۔

خلیج تعاون کونسل کے ممالک اور وسطی ایشیائی ممالک کا اجلاس ازبک دارالحکومت تاشقند میں منعقد ہوا، جس میں فلسطینی عوام کے بین الاقوامی سطح پر تسلیم شدہ حقوق کی ضمانت اور عرب امن اقدام کے مطابق مذاکرات کے ذریعے امن قائم کرنے کے لیے مشترکہ کوششوں اور عالمی قوانین کے تحت مسئلہ فلسطین کے دیر پا اور منصفانہ حل کی ضرورت پر زور دیتا ہے۔

شہزادہ فیصل بن فرحان نے خطے میں امن و استحکام کے لیے کوششیں جاری رکھنے کی اہمیت پر زور دیا۔ انہوں نے غزہ میں پائیدار جنگ بندی کی ضرورت پر زور دیتے ہوئے غزہ کا محاصرہ ختم کرنے فوری انسانی امدادی کو ممکن بنانے، جبری نقل مکانی روکنے اور بمباری کا سلسلہ فوری طور پر بند کرنے ضرورت پر زور دیا۔