بھارت کے خلاف ورلڈ کپ میچ، پاکستان کی کپتان فاطمہ ثناء نے انجری کا خوف مسترد کر دیا

پاکستان کی کپتان فاطمہ ثناء نے انجری کا خوف مسترد کرتے ہوئے کہا ہے کہ وہ برمنگھم میں روایتی حریف بھارت کے خلاف اتوار کو ہونے والے اہم ترین افتتاحی مقابلے میں کھیلنے کے لیے فٹ ہوں گی۔

خواتین کے ٹی ٹوئنٹی ورلڈ کپ میں دوسری بار پاکستان کی قیادت کرنے والی ثناء کو ہفتے کے روز نیٹ میں چوٹ لگ گئی۔ تاہم پاکستانی کپتان نے کہا ہے کہ چوٹ اتنی سنگین نہیں کہ وہ اتوار کو میچ نہ کھیل سکیں۔

ثنا نے میچ سے قبل پریس کانفرنس میں کہا، ’’عائشہ (ظفر) نے شاٹ کھیلا اور یہ میرے گھٹنے پر لگا۔ میرے خیال میں اب یہ بہتر ہے۔"

جب ان سے پوچھا گیا کہ کیا وہ اتوار کے اہم ترین میچ کے لیے فٹ ہوں گی تو ثنا نے جواب دیا، "جی ہاں، امید ہے۔"

خواتین کا ٹی ٹوئنٹی ورلڈ کپ 12 ٹیموں کے درمیان کھیلا جائے گا جس کا فائنل پانچ جولائی کو لارڈز کرکٹ گراؤنڈ میں طے شدہ ہے۔