اسرائیلی وزیرِ خزانہ نے اس رعایت میں توسیع کا اعلان کیا ہے جس کے بموجب اسرائیل کے بینکاری نظام اور مقبوضہ مغربی کنارے میں فلسطینی بینکوں کے درمیان لین دین کا تبادلہ کیا جاتا ہے۔
اسرائیل کے وزیرِ خزانہ کے ترجمان کے مطابق یہ رعایت جون کے آخر میں ختم ہونے والی تھی۔ اسی نظام کے تحت اسرائیلی بینکوں کو فلسطینی اتھارٹی سے منسلک خدمات اور تنخواہوں کے لیے شیکل میں ادائیگیوں پر کارروائی کرنے کی اجازت دیتی ہے۔ اس سہولت اور رعایت کے نہ ہونے کی وجہ سے فلسطینی معیشت کو نقصان پہنچتا ہے۔
ترجمان نے کہا کہ وزیرِ خزانہ بیزلیل سموٹریچ نے کابینہ کے حالیہ اجلاس کے دوران اس میں توسیع کی۔
امریکی وزیرِ خزانہ جینٹ ییلن نے کہا ہے کہ مغربی کنارے اور غزہ کی پٹی میں تباہ حال معیشتوں کو کام کرنے اور سلامتی کو یقینی بنانے میں مدد دینے کی غرض سے اسرائیل اور فلسطین کے نمائندہ بینکاری چینل کھلے رکھنا ضروری ہے۔
فلسطینی معیشت اسرائیلی شیکل میں ہونے والے لین دین پر عملدرآمد کے لیے ان تعلقات پر بہت زیادہ انحصار کرتی ہے۔ سرکاری اعداد وشمار سے پتہ چلتا ہے کہ 2023 میں فلسطینی بینکوں میں تقریباً 53 بلین شیکل (14 بلین ڈالر) کا لین دین ہوا۔
