سعودی عرب کی سوسائٹی فار پبلک ٹیسٹ نے مملکت بھر کی مختلف سنیما کمپنیوں کے ساتھ مل کر "سینما اور تھیٹر" پروگرام کا آغاز کیا ہے تاکہ تفریحی میدان میں عوامی ذوق کے کلچر کو فروغ دیا جا سکے، جس کا مقصد قومی رجحانات کو مدنظر رکھتے ہوئے مختلف قسم کی فلموں کو فروغ دینا ہے۔ معاشرے کے مختلف شعبوں اور معیار زندگی کو بہتر بناتے ہوئے مملکت کے وژن 2030 کے اہداف کے حصول کو آسان بنانا ہے۔
ایسوسی ایشن کے جنرل ڈائریکٹر عبدالعزیز المحبوب نے وضاحت کی کہ اس پروگرام کا مقصد متعلقہ قواعد و ضوابط اور عوامی ذوق کے بارے میں آگاہی کی سطح کو بڑھانا اور عوامی ذوق کی ثقافت کو اپنانے پر مبنی مثبت طرز عمل کو فروغ دینا ہے۔ سنیما ہالوں اور تھیٹروں میں آنے والوں اور دیکھنے والوں کا تجربہ بہتر بنانا ہے۔ یہ پروگرام معاشرے کے تمام طبقات کے لیے ہے۔ اس کا کردار جدید ذرائع اور ٹیکنالوجی میں سرمایہ کاری کرکے جدید بیداری اور رہ نمائی کی سرگرمیوں اور واقعات کے پیکیج کو نافذ کرنا ہے۔ انہوں نے مزید کہا کہ "سینما اور تھیٹر" پروگرام "سوسائٹی آف ٹیسٹ" کے منصوبے کی توسیع کے طور پر شروع کیا گیا ہے جس کا آغاز مشرقی صوبے کے گورنر اور ایسوسی ایشنکے اعزازی صدر عزت مآب شہزادہ سعود بن نائف بن عبدالعزیزنے کیا تھا۔
المحبوب نے کہا کہ "سینما اور تھیٹر" پروگرام کے کام کے طریقہ کار کا آغاز ان ہالوں کے زائرین اور کے سفر کے تمام مراحل کو بیان کرنے سے ہوا۔ پھر ان بہترین طریقوں کا جائزہ لیا گیا جن پر عمل کرنا ضروری ہے۔
