عالمی ادارۂ صحت کی غزہ میں پولیو مہم کے دوسرے مرحلے کی منصوبہ بندی

عالمی ادارۂ صحت کے ایک اہلکار نے جمعہ کو بتایا کہ تنظیم نے غزہ میں پولیو کے حفاظتی قطرے پلانے کی مہم کا دوسرا مرحلہ 14 اکتوبر سے شروع کرنے کے لیے اسرائیل کو درخواست بھیجی ہے۔

مقبوضہ فلسطینی علاقے میں ہنگامی حالات کے لیے ڈبلیو ایچ او کے رہنما ایادل سپاربکوف نے کہا، "ہم نے اسرائیلی حکام سے اسی طرح کی سکیم پر غور کرنے کو کہا ہے جو ہمارے پہلے مرحلے کے لیے تھی۔ اسے وہ فوجی مہم کے اوقات کار کے دوران (لڑائی میں) 'حکمتِ عملی پر مبنی تؤقف' کہتے ہیں۔"

انہوں نے کہا، مذاکرات جاری ہیں اور اتوار کو مہم کے اگلے مرحلے کے بارے میں اسرائیلی حکام سے ملاقات طے شدہ ہے۔