سعودی عرب کی وزارت خارجہ نے مقبوضہ فلسطینی علاقوں میں اقوام متحدہ کی ریلیف اینڈ ورکس ایجنسی برائے فلسطینی پناہ گزین (یو این آر ڈبلیو اے) کی سرگرمیوں پر پابندی لگانے والے مسودہ قوانین کی منظوری کے اسرائیلی کنیسٹ کے فیصلے کی سخت ترین الفاظ میں مذمت کی ہے۔ وزارت خارجہ نے اسرائیلی ریاست کے اس اقدام کو بین الاقوامی قانون کی کھلم کھلا خلاف ورزی قرار دیا ہے۔بیان میں کہا گیا ہے کہ اسرائیلی کنیسٹ میں یہ بل ایک ایسے وقت میں منظور کیا گیا ہےجب برادر فلسطینی عوام پہلے ہی اسرائیل کی طرف سے مسلط کی گئی جنگ کی وجہ سے تباہ کن بحرانوں کا سامنا کررہے ہیں۔
سعودی عرب نے اقوام متحدہ کی ایجنسیوں اور اس کی امدادی تنظیموں کو سیاسی اور فوجی انتقامی کارروائیوں کا نشانہ بنانے میں قابض اسرائیلی حکام کے جاری اور منظم طریقوں کو واضح طور پر مسترد کردیا۔
بیان میں کہا گیا ہے کہ فلسطینی عوام کے خلاف نسلی تطہیر کے جرائم کے ارتکاب میں میں یہ ایک نیا اضافہ ہے جس کا مقصد فلسطینی نصب العین ، جامع اور منصفانہ امن کے حصول کے لیے کوششوں کو سبوتاژ کرنا ہے۔
سعودی عرب نے تمام شعبوں میں فلسطینی پناہ گزینوں کو ریلیف دینے کے اپنے انسانی مشن میں UNRWA کے لیے اپنی حمایت اور یکجہتی کے عزم کا اعادہ کیا۔
