فلرز کے بعد اندھا پن، کیا پلاسٹک سرجری خوبصورتی کے لیے خطرہ ہے؟

جیسے جیسے آٹولوگس فلر اور فیٹ انجیکشن کی مانگ بڑھ رہی ہے۔ ایسے ہی اس کے خطرات کے بارے میں نئے انتباہات بھی سامنے آ رہے ہیں۔ یہ انتباہات خطرے کی گھنٹی ہیں کیونکہ عام کاسمیٹک طریقہ کار بینائی کی کمی سمیت سنگین پیچیدگیوں کا باعث بن سکتا ہے۔

ڈرمیٹولوجی کنسلٹنٹ ڈاکٹر محمد الردادی نے ’العربیہ ڈاٹ نیٹ‘ کو بتایا کہ ڈرمل فلرز گالوں میں حجم، چہرے کو اٹھانے، ناک کی شکل یا ٹھوڑی اور جبڑوں کو واضح اور نمایاں کر سکتے ہیں۔ یہ ایک ایسا طریقہ کار ہے جس کے نتائج میں زیادہ پیچیدگیاں پیدا ہوسکتی ہیں۔

عام پیچیدگیاں

انہوں نے مزید کہا کہ کچھ پیچیدگیاں عام ہیں، جیسے چہرے کا رنگ لال پڑ جانا اور عارضی سوجن وغیرہ۔ مگر کچھ صورتوں میں خود چربی یا فلر خون کی نالیوں کو روک سکتا ہے۔ جس سے اندھا پن اور متاثرہ ٹشو پرفیوژن جیسی سنگین پیچیدگیاں پیدا ہوتی ہیں۔

خون کی بہت سی چھوٹی نالیاں ہیں، خاص طور پر پیشانی، ناک کےحصے اور آنکھوں کے ارد گرد جیسی جگہیں جسم کے ایسے حصے ہیں جن میں آٹولوگس چربی یا فلر کا انجیکشن ان خون کی نالیوں میں رکاوٹ کا باعث بن سکتا ہے۔ زیادہ تر کیسز جو ریکارڈ کیے گئے ہیں ان میں ریٹنا کی شریان میں رکاوٹ کی وجہ سے آنکھ میں خون کے بہاؤ کو روک دیا گیا۔ اس رکاوٹ کی وجہ سے ڈرمل فلرز کو انجیکشن لگانے کے محفوظ ترین طریقہ پر عمل کرنے میں مشکل پیش آتی ہے۔

ڈرمل فلرز

ڈاکٹر ردادی نے کہا کہ ڈرمل فلرز کے لاکھوں کیسز میں سالانہ انجیکشن لگائے جاتے ہیں۔گذشتہ برسوں کے دوران دنیا بھر میں تقریباً 365 ایسے کیسز ریکارڈ کیے گئے جو بینائی کے جزوی یا مکمل خاتمے کا شکار ہوگئے تھے۔ ان میں سے زیادہ تر کا تعلق انتہائی خطرناک انجیکشن سے تھا۔ بنیادی طور پر ناک، پیشانی اور ابرو کے درمیان علامات جلد کو پہنچنے والے نقصان کے ساتھ منسلک ہوتی ہیں جن میں پلکیں جھک جاتی ہیں، آنکھوں میں شدید درد، اور جلد کی رنگت میں تبدیلی شامل ہیں۔

انہوں نے مزید کہا کہ طبی مطالعات سے پتہ چلتا ہے کہ آٹولوگس چربی کے انجیکشن دوسرے فلرز کے مقابلے میں بصارت کے مسائل کے زیادہ امکانات کے ساتھ منسلک ہوتے ہیں۔ اس حوالے سے ہائیلورونک ایسڈ کے انجیکشن سب سے محفوظ تصور کیے جاتے ہیں کیونکہ ان کو تحلیل کیا جا سکتا ہے اور پیچیدگیوں کو روکنے کی کوشش کی جا سکتی ہے۔