اسرائیل کی غزہ جنگ کے دوران ستر فیصد عورتوں اور بچوں سمیت 43985 فلسطینی قتل

غزہ میں سات اکتوبر سے جاری اسرائیلی جنگ کے ان 13 ماہ سے زائد عرصے میں 43985 فلسطینی اسرائیلی فوج نے قتل کیے ہیں۔ یہ ماہانہ اوسط 3383 سے زائد بنتی ہے۔

یہ اعداد و شمار غزہ کی وزارت صحت نے 20 نومبر 2024 کو جاری کیے ہیں۔

وزارت صحت کے مطابق پچھلے 24 گھنٹوں کے دوران 13 فلسطینیوں کو اسرائیلی فوج نے قتل کیا ہے۔

اقوام متحدہ کے مختلف اداروں کی رپورٹس کے مطابق اب تک قتل کیے گئے 43985 فلسطینیوں میں 70 فیصد تعداد فلسطینوں کے بچوں اور عورتوں کی ہے۔ ان معصوم بچوں اور بے گناہ خواتین کے اتنی بڑی تعداد میں قتل کیے جانے پر امریکہ اور یورپ میں بھی عوامی سطح پر احتجاج کیا جاتا ہے اور اسرائیلی جنگ بند کرنے کے علاوہ اسرائیل کو اسلحے کی ترسیل بند کرنے کا مطالبہ کیا جاتا ہے۔

غزہ میں وزارت صحت کے مطابق ان تیرہ ماہ سے زائد عرصے میں زخمی ہونے والے فلسطینیوں کی تعداد ایک لاکھ چار ہزار بانوے ہے۔ مگر ان کے لیے اسرائیلی فوج نے کوئی ایک ہسپتال بھی سالم نہیں رہنے دیا۔