یرغمالیوں کی رہائی کے لیے ہزاروں افراد کا اسرائیلی کنیسٹ کے قریب مظاہرہ

یروشلم پوسٹ کے مطابق ہزاروں اسرائیلیوں، جن میں زیادہ تر خواتین تھیں، نے احتجاج کرتے ہوئے اسرائیلی پارلیمنٹ (کنیسٹ) کی طرف جانے والی سڑک کو بلاک کر دیا۔ مظاہرین نے غزہ کی پٹی میں حماس کے زیر حراست اسرائیلی یرغمالیوں کی رہائی کا مطالبہ کیا۔ قیدیوں کی رہائی کے مطالبے کے لیے ہفتہ وار مظاہرے منعقد کیے جاتے ہیں لیکن جرمن خبر رساں ادارے کے مطابق یہ مظاہرے عام طور پر ہفتے کی شام کو یہودیوں کے مقدس دن کے اختتام کے بعد ہوتے ہیں۔

اخبار نے اطلاع دی ہے کہ جمعہ کے مظاہروں کا اہتمام "شفٹ 101" نامی ایک گروپ نے کیا تھا جو پیر سے کنیسٹ کے قریب دھرنا دے رہا تھا۔ یہ گروپ غزہ سے یرغمالیوں کو نکالنے کے لیے حکومت پر دباؤ ڈالنے کے لیے ہفتے بھر میں مختلف مظاہروں کو منظم کرنے کا ارادہ رکھتا ہے۔