قطر نے غزہ میں ثالثی دوبارہ شروع کر دی: ذرائع

مذاکرات سے واقفیت رکھنے والے ایک ذریعے نے جمعرات کو اے ایف پی کو بتایا کہ قطر نے ایک مختصر تعطل کے بعد اسرائیل-حماس جنگ میں جنگ بندی کی کوششوں میں ثالث کے طور پر اپنا کردار دوبارہ شروع کر دیا ہے۔

معاملے کی حساسیت کے باعث نام ظاہر نہ کرنے کی درخواست کرتے ہوئے ذریعے نے کہا کہ قطر جس نے گذشتہ ماہ غزہ جنگ بندی کے لیے اپنی ثالثی معطل کر دی تھی، وہ "ثالثی کی طرف واپس آ گیا ہے"۔ ذریعے نے حکام کے درمیان کسی حالیہ ملاقات کی تفصیل بیان نہیں کی۔